Një shqiptar i cili kishte kryer vjedhje në Britaninë e Madhe, duket se ka qenë me shumë fat. Ai u urdhërua nga gjykata britanike që të paguajë si dëmshpërblim, për grabitjet që ka kryer, vetëm 1 cent.
Asdrit Kapaj u burgos në vitin 2019 me 14 vjet burg, pasi kishte arritur të vjedhë në më shumë se 200 shtëpi luksoze.
Shqiptari kishte hyrë në territorin britanik sikur ishte azilkërkues nga Kosova dhe gjatë veprimtarisë së tij kriminale 11-vjeçare, ai arriti të fitojë mbi 1 milionë paund, shkruan media britanike, The Sun.
I quajtur “Wimbledon Prowler”, ai udhëtoi në Londër nga shtëpia e tij në Mançester për të kryer grabitje nga viti 2008.
Viktimat e tij të famshme përfshinin ish-sulmuesin e Arsenalit Nicolas Anelka, i cili thuhet se e ndoqi atë përtej një kopshti. Kampioni i tenisit Vimbledon Boris Becker ishte gjithashtu në shënjestër e tij.
