Disa karta telefoni “sim”, janë bërë shkak për zbardhjen e një krimi makabër që ka ndodhur në datën 22 janar të këtij viti, në Vlorë, ku djali me nënën u vranë dhe dogjën të gjallë nga nusja e shtëpisë.
Olsi dhe Selkie Hoxhallari u vranë e u dogjën në banesën e tyre nga nusja Hysnie Hoxhallari. Autorja e kësaj masakre, ka komunikuar me të motrën e saj, e kjo e fundit edhe e ka këshilluar.
Përgjimet e kryera nga policia dhe Prokuroria e Vlorës, kanë hedhur dritë mbi krimin makabër. “Report Tv” ka siguruar një kopje të këtyre përgjimeve, në të cilat Hysnie Hoxhallari, bashkëshortja e Olsi Hoxhallarit, të vrarë e djegur brenda shtëpisë së tij së bashku me nënën, është kapur mat në tentativë për të zhdukur disa karta telefoni “sim”.
Biseda në fjalë është bërë pak orë pas krimit makabër dhe Hysnia kërkon ti gjej një vend të sigurt kartave telefonike. Falë analizimit që janë kryer nga përgjimet, ka rezultuar se Hysnie Hoxhallari kishte dy numra telefoni dhe jo një, siç kishte deponuar më parë në polici. Por surpriza e hetuesve ishte celulari i saj, në të cilin ishin përdorur nga 7 Maj 2017, deri në 31 dhjetor 2017, plot 6 numra telefoni dhe një në emër të të dashurit të Hysnies, shtetasit Kasem Pirjasi.
Nga tabulatet telefonikë, komunikimet e Hysnie Hoxhallarit me të dashurin e saj Kasem Pirjasi nisnin çdo ditë nga ora 06:30 minuta e mëngjesit, deri në 00:30 të mbrëmjes, vetëm gjatë ditëve që bashkëshorti i Hysnies, viktima Olsi Hoxhallari ndodhej në Greqi.
Me vendim të Gjykatës së Krimeve të Rënda, Pirjasi dhe e dashura e tij Hysnie Hoxhallari ndodhet në burg. Por pas versionit të parë se krimin e kishin kryer së bashku me të dashurën e tij, Kasem Pirjasi ka kërkuar nga Krimet e Rënda t’i heqin arrestin, pasi vrasja është kryer vetëm nga Hysnia.
Hysnia: Ku ti lë unë këto moj qyqa?
G: Cfarë janë ato?
Hysnie: Ja me këto kapackat e numrave.
G: Po mirë moj hidhi.
Këshillën për ti hedhur nga e motra e merr me shqetësim, pasi ka frikë se ata, referuar hetuesve, i gjejnë.
Hysnie: Huuu, t’i shikojnë ato, kush i ka pasur këto numra. Pastaj i mora me vrap, thashë o zot do ti gjejnë aty, hajde të bësh punë.
G: Po mirë moj, unë i kam pasur.
Hysnia: Unë i kam pasur, po ti ç’ne kaq numra këtu, hiq një e vër një, hajde merru me ta. Hidhi me ilaçet me ç’farë janë këtu. Po moj Oli i ka mbledhur që atëherë, hidhi të tëra mos i gjej njeri, të tëra kapackat.
Kjo bisedë e kryer me shqetësimin se ku do fsheh Hysnia numrat e telefonit dhe motrës së saj, është transkiptuar brenda 24 orëve dhe 2 ditë pas krimit Hysnie Hoxhallari është prangosur, dhe sot ndodhet në qeli.
Dyshimet e hetuesve janë shtuar teksa e motra e Hysnies është shprehur: Unë mirë që i hoqa, se mos i gjenin këtu, e bëjnë punë me gomerët.
Hysnia e pyet: Po ku t’i hedh thuaj?
G: Lëri në banjë njëherë.
Hysnia: Të vijnë në banjë direkt atje i ke, atë të bëj unë, të merrem me ata pastaj. Ej po kësaj si t’ia bëj unë? Këto leja Hamzait, thuaj ti flaku kur të ikësh andej këto letrat.
