Një gomone e ngarkuar me kanabis është gjetur në Vlorë, disa milje larg ujërave ndërkufitare. Sipas njoftimit të policisë, gomonia ishte në kërkim, bazuar në informacionet e siguruara për lëvizjen e saj në det.
Megjithatë, edhe pse policia ka pasur informacioni, ajo nuk ka arritur të kapë autorët, teksa këta të fundit duket se e kanë braktisur gomonen e gjatë 8 metra dhe kanë arritur t’i ikin asaj.
Operacioni u krye mbrëmë nga D.V.P.Vlorë në bashkëpunim me Policinë Kufitare, Delta Forcë, QNOD dhe Guardia di Finanza, të cilët vijojnë kontrollet për parandalimin e trafikimit të narkotikëve përtej kufirit.
Shërbimet policore kanë transportuar lëndën narkotike pranë ambienteve të saj, për të bërë peshimin e saj. Gjithashtu po vijon puna për identifikimin dhe kapjen e autorëve të kësaj vepre penale.
