Policia e Vlorës ka arrestuar tre persona, të cilët kanë vjedhur para 3 ditësh 11 krerë lopë në fshatin Mërtiraj.
Mësohet se tre shtetasit kishin hyrë gjatë natës në stallën e shtetasit P.I., 34 vjeç me qëllim përvetësimin e parave midis njëri-tjetrit.
Në pranga kanë përfunduar shtetasit:
1- Barjam Xhelaj, 61 vjeç, banues në Vlorë.
2- Ilir Meraj, 38 vjeç, banues në Vlorë.
3- Gëzim Shahaj, 63 vjeç, banues në fshatin Peshtan, Fier.
Ata i kanë transportuar lopët me ndihmën e automjetit tip furgon me targë AA 309 GJ në pronësi të shtetasit Ilir Meraj, duke i strehuar në një vend të posaçëm pranë banesës së shtetasit Gëzim Shahaj, në fshatin Peshtan të Fierit.
Policia ka gjetur një pjesë të gjësë së gjallë (8 krerë lopë) si dhe ka bllokuar mjetin tip furgon.
