Policia ka finalizuar me sukses operacionin antidrogë të koduar “BEDROOM”, duke sekuestruar 37 kilogramë lëndë narkotike e dyshuar e llojit Cannabis Sattiva, në një banesë. Policia arreston në flagrancë pronarin e banesës, shtetasin Bledar Grabovaj, 20 vjeç, banues në Vlorë.
Gjatë kontrollit të ushtruar në banesën e shtetasit Bledar Grabovaj, në lagjen “1 Maji”, policia ka gjetur lëndën narkotike të fshehur në dhomën e fjetjes, e ndarë nëpër thasë sintetikë dhe të mbështjella me qese plastike, e cila u sekuestrua në cilësinë e provës materiale.
Policia ka konstatuar se në këtë ngjarje dyshohet se është i përfshirë shtetasi N.G., 50 vjeç, banues në Vlorë, i cili u shpall në kërkim dhe po punohet për kapjen e tij.
Materialet i kaluan Prokurorisë për veprën penale “Prodhimi dhe shitja e narkotikëve, kryer në bashkëpunim”.
