Një 60-vjeçar ka humbur jetën, pasi zetori që drejtonte teksa punonte tokën, u përmbys.
Ngjarja ka ndodhur në fshatin Skrofotinë të Vlorës.
Mësohet se zetori është përmbysur aksidentalisht.
”Rreth orës 18:25, në hyrje të fshatit Trevllazër, një zetor duke punuar tokën aksidentalisht është përmbysur dhe si pasojë drejtuesi shtetasi M.K., rreth 60 vjeç, banues në fshatin Skrofotinë, Vlorë, ka ndërruar jetë’’, informon policia.
Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.
