Dy persona janë arrestuar nga policia e Vlorës, pasi dyshohet se përgatisnin lëndë plasëse në mënyrë artizanale, me qëllim kryerjen e shpërthimeve për nxjerrjen e inerteve.
Policia ka arrestuar në flagrancë Robert Leskajn, administrator i shoqërisë ‘’Leskaj Inerte’’, dhe zjarrmëtarin Arben Jetishi, të cilët u ndaluan në guroren “Leskaj Inerte” në fshatin Drashovicë, Vlorë, me qëllim kryerjen e shpërthimeve për nxjerrjen e inerteve.
Gjithashtu, policia ka sekuestruar në cilësinë e provës materiale:
– një sasi prej 50 kg lëndë e dyshuar nitrat,
– një sasi prej 20 litra naftë,
– kapsolle dhe ndezësa, të cilat dyshohen se shërbenin për ndezjen e lëndëve plasëse.
