Policia e Vlorës ka sekuestruar 11 kg e 600 gramë lëndë narkotike të dyshuar të llojit Cannabis Sativa.
Gjithashtu, është arrestuar Kristo Abazaj, 24 vjeç, banues në fshatin Lapardha.
Abazaj e kishte fshehur lëndën narkotike ngjitur me murin rrethues të banesës së tij, e cila ishte e vendosur në tre thasë sintetikë.
Lënda narkotike u gjet pas një kontrolli të Specialistëve të Seksionit për Hetimin e Narkotikëve, ndërsa i riu akuzohet për veprën penale “Prodhim dhe shitje e lëndëve narkotike”.
