Luftëtari dhe Vllaznia e mbyllën pa gola, sfidën e fundit të javës së 21-të. Pavarësisht dominimit të vendasve, të cilëve nuk u munguan rastet për shënim me Bregun e Abazajn, sa për mungesë të fatit, aq edhe për meritë të Vllaznisë, kjo e fundit ka mundur të dalë nga Gjirokastra me një pikë të çmuar në luftën për mbijetesë.
Shkodranët marrin një rezultat mjaft të mirë, ku kujtojmë se vinin në këtë sfidë aspak të qetë pas ngjarjeve të fundit ku janë përfshirë. Trajneri Ernest Gjoka është sulmuar nga një person i maskuar pak ditë më parë me thikë, sapo ka përfunduar stërvitjen me ekipin në “Reshit Rusi”.
Tashmë shkodranët rivendosin distancën nga Teuta në 4 pikë. Nga ana tjetër, skuadra e Luftëtarit, edhe pse nuk mori dot më shumë se një barazim, ka qenë mjaftueshëm për të barazuar Partizanin në kuotën e 28 pikëve, por duke e parakaluar atë në renditje, falë golavarazhit më të mirë. Tashmë gjirokastritët kanë marrë vendin e 6-të, klasifikimit.
Luftëtari-Vllaznia 0-0
Luftëtari: Ruçi, Liçaj, Rapa, Beqiri, Jeckson, Ramadani, Rrapo, Aurelio, Abazaj, Shkurtaj, Bregu.
Trajner: Hasan Lika
Vllaznia: Sherri, Gocaj, Malota, Berisha, Mersini, Krymi, Lika, Vucaj, Orelesi, Çinari, Sukaj.
Trajner: Ernest Gjoka
Arbitër: Ardian Beqiri
