Vllaznia ka bërë një hap të madh në luftën për mbijetesë pasi ka mposhtur Laçin në shtëpi me rezultatin e ngushtë 1-0. Duke përfituar edhe nga barazimi në Durrës kjo fitore vlen më shumë se 3 pikë. Lufta për mbijetesë vazhdon të jetë shumë e egër mes shkodranëve, Teutës që momentalisht është në të Dytën dhe Kamzës që rrezikon shumë.
Gjithçka u vendos që në minutën e 7’, një gol që erdhi nga një prekje me dorë e Sefgjinit, por edhe nëse ai nuk do ta kishte devijuar topi në rrjetë do të përfundonte. Sukaj u tregua gjakftohtë përballë Selmait dhe dërgoi me mjaft lehtësi topin në kuadratin e portë. Laçi në pjesën e dytë mori zotërimin e lojës, por krijoi edhe raste të mira për shënim, duke mbajtur në ankth total “Loro Boriçin”. Megjithatë, në fund festa është shkodrane, thyhet një mallkim, sepse Laçi ishte bërë i pakalueshëm vitet e fundit. Mbijetesa duket më pranë, por ende shumë larg.
Çmenduria ndodhi në Durrës, ku vendasit kishin gjithçka në dorë por në fund u mjaftuan me një pikë. Ishte Teuta që shënoi 2 herë në pjesën e parë me anë të Latif fillimisht dhe më pas Alhasanit. Plaku hapi sfidën fillimisht me një gol pak minuta para fundit të pjesës së parë. Në fraksionin e dytë miqtë e shtuan presonin dhe e gjetën golin e barazimit në të 77-ën.Teuta u zgjua dhe kërkoi të kalonte sërish në avantazh, por në sekondat e fundit të kohës së rregullt ishte Kamza që me anë të Filit, të aktivizuar në pjesën e dytë, gjeti golin.
Nuk kishte mbaruar asgjë, pasi Hakaj pak sekonda më vonë goditi traversën. Në goditjen e fundit nga këndi për vendasit, Moçka godet me kokë, topi ndalet, por Latif ndjek aksionin dhe gjen golin e barazimit. Nga një pikë për të dyja skuadrat në një ndeshje spektakolare. Më shumë duket se i shkon për shtat Kamzës që ruan diferencën me Teutën.
