Presidentja Vjosa Osmani ka kërkuar sot nga kryetarja e Komisionit Qendror të Zgjedhjeve, Valdete Daka, që të dorëhiqet nga ky post. Mediat në Kosovë raportojnë se Valdete Daka ka kundërshtuar një kërkesë të tillë.
Daka citohet t’i ketë thënë Osmanit se nuk pranon një gjë të tillë, dhe se detyrën e saj e ka kryer sipas Kushtetutës.
Daka është emëruar kryetare e KQZ-së më 27 prill të vitit 2018, nga ish-presidenti Hashim Thaçi, ndërkaq mandati i saj është 7-vjeçar. Ky është mandati i dytë i Dakës në krye të KQZ-së.
