Ndryshimi i fundit në rrjetin social Instagram, lidhet me komentin tuaj të preferuar. Besnikët e Instagramit, janë sy e vëshë me risitë e fundit. Shpesh komentet u prishin shumë punë, por specialistët e kësaj fushe kanë menduar edhe në këtë drejtim.
Pas çdo fotoje të postuar në Instagram, jeni ju që keni mundësinë që të zgjidhni komentin që doni të shfaqet i pari. Më 7 korrik, kompania njoftoi përmes Tëwtter-in opsionin e ri, që ju jep mundësi përdoruesve të vendosin vetë rreth menaxhimit të komenteve nëpër foto.
Tashmë në Instagram mund të përdorni opsionin “pinned”. Si fillim duhet të keni shkarkuar versionin e fundit të tij, dhe më pas shkoni tek komentet e një fotoje që keni publikuar.
Më pas zgjidhni komentin, dhe krahas opsioneve të tjera që do t’ju shfaqen si; fshije apo report, klikoni “pin the comment”. Ky opsion ju jep mundësinë të mbani në krye deri në 3 komente, të cilat i zgjidhni ju.
Ama duhet të keni parasysh faktin se pas këtij veprimi, personi që ka komentuar, i shkon menjëherë njoftimi.
