Hetimet e Prokurorisë së Elbasanit për rrugën Elbasan-Gjinar po zgjerohen dhe më shumë. Pritet që persona të tjerë te japin dëshmitë e tyre pranë ndaj prokurorëve që kanë në hetim çështjen.
Në orën 13:00 Prokuroria Elbasanit pritet të mbajë një deklaratë për median në lidhje me hetimet që po vijojnë për këtë rrugë. Burime të Tirana Today pranë kësaj prokurorie konfirmojnë se të tjerë persona do të merren në pyetje për të dhënë dëshmitë e tyre në lidhje më çështjen që është në hetim.
Dy ditë me parë është zhvilluar seanca e parë gjyqësore ndaj ish-kreut të ARRSH-së, Dashamir Xhika dhe 9 të pandehurve të tjerë, të cilët akuzohen për shpërdorim detyre për rrugën Elbasan Gjinar.
Dashamir Xhika dhe Andi Toma u arrestuan një javë më parë, pasi akuzohen për shpërdorim fondesh për rrugën e Gjinarit, një abuzim prej 5 miliardë lekësh.
Familjarët dhe përfaqësues të LSI-së kanë ndërhyrë gjatë seancës, duke akuzuar se arrestimi i Xhikës dhe ish-drejtorit Toma është politik. Në seancën e sotme ka marrë pjesë edhe ish-ministri Edmond Haxhinasto.
Pas kërkesës së avokatëve Artan Hajdari dhe Neshat Fana, gjyqtarja në fjalë u tërhoq nga trupa gjykuese dhe për rrjedhojë seanca gjyqësore u shty edhe për katër orë të tjera.
Kërkesa u shqyrtua nga gjyqtari Bujar Musta, i cili ka rrëzuar kërkesën e avokatëve Artan Hajdari dhe Neshat Fana, duke lënë gjyqtaren Idushe Maliqi në krye të trupës gjykuese dhe me prokurore të çështjes, Armanda Xhaferrin. Aktualisht seanca për njohjen e masës së sigurisë për Tomën po zhvillohet me dyer të mbyllura në gjykatën e Elbasanit, pasi media nuk është lejuar që të jetë e pranishme. TIRANA TODAY
