Operatori i Shpërndarjes së Energjisë Elektrike (OSHEE), në kuadër të planveprimit për garantimin e zbatimit të ligjshmërisë në konsumin e energjisë elektrike dhe reduktimin e nivelit të humbjeve, ka ndërmarrë një aksion në Shkodër si një nga zonat e konsideruara problematike për vjedhjen e energjisë elektrike.
Gjatë dy javëve të fundit janë realizuar rreth 1000 procedura verifikimi në qytetin e Shkodrës nga Departamentit të Kontrollit dhe Rikuperimit të Humbjeve (njësi e specializuar Task Forcë).
Gjatë kontrolleve, janë konstatuar 18 raste linjash furnizimi jashtë matjes, 35 raste rilidhjesh të paligjshme, 7 raste furnizimi pa kontratë dhe 3 ndërhyrje në sistemin e matjes.
Ndërkohë, OSHEE ka depozituar procedim në organet e drejtësisë për 63 konsumatorë (biznese dhe familjarë), ndërkohë që do të vijojë kontrolli jo vetëm në qytetin e Shkodrës por në të gjithë territorin.
