Pak ditë pasi vizitoi Shqipërinë ku zhvilloi një serë takimesh me krerët më të lartë të shtetit, Komisioneri për Zgjerimin e BE, Oliver Varhelyi ka njoftuar se është karantinuar në shtëpi, pasi një anëtar i stafit të tij ka rezultuar pozitiv në testin e COVID-19.
Komisioneri tha se i është nënshtruar testit, por ende nuk e ka marrë përgjigjen, ndërsa ka shtuar se në teste që ka bërë gjatë javës së kaluar ka rezultuar negativ.
Me tej ai ka shtuar se nuk ka asnjë simptomë të virusit, por duke respektuar rregullat e shëndetit publik, mbetet në përgjigje të rezultatit.
Postimi i Varhelyi në Twitter
Unë u informova sot se një anëtar i ekipit tim doli pozitiv për # COVID19 . Në pritje të rezultateve të reja të testit, unë dhe anëtarët e ekipit të interesuar po vet-izolohemi në përputhje me udhëzimet e shëndetit publik. Ndihem mirë, nuk kam simptoma, testet e mia gjatë javës së kaluar ishin negative. Qëndro i sigurt!
I was informed today that a member of my team tested positive for #COVID19. Pending new test results, myself&team members concerned are self-isolating in line with public health guidelines&teleworking. I feel well, have no symptoms, my tests in past week were negative. Stay safe!
— Oliver Varhelyi (@OliverVarhelyi) October 11, 2020
