Duke filluar nga e hëna nis shpërndarja e teksteve falas, e ku do të vijojë deri me datë 15 shtator, një ditë përpara nisjes së vitit të ri shkollor.
Këtë vit të ri akademik, Ministria e Arsimit ka shtuar në listën e përfituesve edhe nxënësit e klasës së pestë.
Ky ndryshim bëhet pasi edhe klasa e pestë këtë vit fillon të punojë me kurrikulën e re, mbi të cilën janë hartuar dhe tekstet mësimore. Në të gjithë vendin janë 155 mijë nxënës të fillores që do të marrin tekstet pa pagesë.
Përmes një fondi të veçantë, vetëm tekstet e klasës së parë do të jenë krejtësisht të rinj, ndërsa klasat e tjera do të marrin tekstet e përdorura një vit më parë.
