Vijojnë lëvizjet në Policinë e Shtetit. Skënder Hita, zv/drejtor, është shkarkuar sot, për t’u emëruar në të njëjtën detyrë në Lezhë.
Hita zëvendësohet nga Arsen Sinomati, i cili mbante detyrën e shefit të Komisariatit Nr.2.
Gjithashtu, është shkarkuar shefi i komisariatit nr.4, Aleko Shatro, i cili është emëruar si specialist në Drejtorinë e Përgjithshme të Tiranës. Në vend të tij është emëruar Agim Hoxha, ish shefi i komisariatit Shijak, ndërsa në Shijak është emëruar Aliosha Broka.
Të tjera shkarkime, vijojnë si më poshtë:
-Shkarkohet Elton Alushi, shef i komisariatit Nr.1 i cili është emëruar shef sektori tek krimet e lehta.
-Shkarkohet shefi i sektorit “Shqiponja” Vladimir Laska dhe në vend të tij emërohet Olti Bistri.
-Shkarkohet shefi i komisariatit 6 Neritan Bocidhe në vend të tij emërohet Arben Aliko.
-Shkarkohet shefi i komisariatit rrugor Ervin Hasrama dhe në vend të tij emërohet Erjon Ahmeti.
Mësohet se shkarkime ka pasur edhe në komisariate e Drejtori në qarqe.
