Autoriteti Rrugor Shqiptar njofton se në sajë të vazhdimësisë së punimeve në Unazën Lindore, duke filluar që nesër do bllokohet kalimi nga rrethi i Shkozës në drejtim të Farkës për një afat 14 ditor.
Njoftohet se trafiku që vjen në këtë drejtim, do të devijohet në drejtim të rrugës “Ali Shefqeti”.
Po kështu mësohet se trafiku i cili vjen nga drejtimi i Farkës në drejtim të Tiranës, do të devijohet në krahun tjetër të kalimit.
Njëkohësisht janë marrë masat për kufizimin e vendit ku do të kryhen punimet, si dhe për vendosjen e sinjalistikës së nevojshme për mospengimin dhe mbarëvajtjen e qarkullimit.
