Ministria e Financave kallëzon në Prokurori, Pranvera Resulajn, Drejtoreshë Rajonale e Tatimeve në Vlorë për përfshirje në fushatë elektorale, në kundërshtim flagrant me ligjin.
“Ministria e Financave ka informuar Prokurorinë e Rrethit Gjyqësor Vlorë, që në ushtrim të funksionit kushtetues të ndjekjes penale, të kryejë veprimet e nevojshme për hetimin, e Pranvera Resulaj, Drejtoreshë Rajonale e Tatimeve në Vlorë”, thuhet në njoftimin zyrtar.
Më poshtë argumentohet se “nisur nga informacionet dhe materialet bashkëlidhur, Resulaj, rezulton të jetë përfshirë në mënyrë të drejtpërdrejtë në fushatë elektorale, në kundërshtim flagrant me ligjet në fuqi si dhe me VKM nr. 473, dt. 01.06.2017”.
Nisur nga ky rast, Ministria e Financave kërkon nga të gjithë punonjësit e institucioneve të varësisë qe të zbatojnë me përpikmëri detyrat funksionale në përputhje me legjislacionin në fuqi.
Ministria e Financave përfiton nga rasti t’ju bëjë thirrje qytetarëve që të denoncojnë rastet e evidentuara nga ana e tyre të përfshirjes së punonjësve të administratës në varësi të kësaj ministrie ne aktivitetet partiake.
