Tërmetet e fuqishme në Shqipëri janë të rralla, e ndërsa mini-tërmetet ndodhin gjatë gjithë kohës në të gjithë territorin e Shqipërisë, kjo pasi vendi ynë është një territor aktiv.
Statistikat kanë treguar se tërmetet me magnitudë 4.5 janë të shpeshta, maksimumi dy herë në vit, minimumi njëherë, ndërsa tërmetet mesatare 5 deri në 5.5 ndodhin njëherë nga 2 deri në 5 vjet, në varësi të kushteve tektonike ose shpërthimeve eksplozive që ndodhin.
Tërmetet e forta, ato mbi 5.5 janë tepër të rrallë, kërkojnë dekada, mbi 10 vjet. Kjo për një arsye fare të thjeshtë, sa më i madh të jetë tërmeti, aq më shumë energji akumulohet, dhe aq më shumë kohë do që të ndodhë.
Dita-ditës shënohen tërmete, e kjo e ka kthyer tashmë në përditshmëri.
Prej disa ditësh, Shqipëria vijon të jetë një zonë sizmike aktive. Sipas IGJEUM, tre lëkundje tërmetesh janë ndjerë edhe mbrëmjen e kaluar, në zona të ndryshme të vendit.
Tërmeti i parë është ndjerë në orën 03:29, me magnitudë 2,1 ballë në Tiranë. Tërmeti i dytë është ndjerë në orën 03:33, me magnitudë 2 ballë në Gjirin e Lalëzit, ndërsa tërmeti i fundit me magnitudë 2,4 ballë është shënuar në orën 06:07, rreth 19 kilometra nga Çorovoda.
