Dridhjet e tokës vijojnë ende me intensitet të lartë, e duket se nuk kanë ndërmend që të ndalen. Dy tërmete të tjera janë shënuar në orët e para të ditës.
Dy ditë pas tërmetit të fortë që e shkundi Bulqizën, dhe u ndje në shumë qytete, përfshirë Tiranën, duke lënë dëme të konsiderueshme materiale, IGJEUM ka regjistruar goditje të tjera tërmeti gjatë natës, deri në orët e para të mëngjesit të sotëm.
Epiqendra vazhdon të jetë Bulqiza, ndërkohë që magnituda e tërmetit më të fundit regjistruar në orën 03:24 ka qenë 2.4.
Për shumë familje në rajonin e Bulqizës, dëmet e lëna pas nga tërmeti i së shtunës kanë qenë jo të vogla.
Drejtoria e Emergjencave Civile, pranë Prefekturës Dibër dhe asaj të Bashkisë Bulqizë, ka ngritur grupet e punës për të evidentuar dëmet e mundshme nga tërmeti.
https://tiranatoday.com/pas-termetit-te-bulqizes-pati-15-lekundje-te-lehta-sizmologet-shpjegojne-pse-eshte-shenje-e-mire/
