Vetëm pak ditë na ndajnë nga zgjedhjet që do të zhvillojë Partia Demokratike për të zgjedhur liderin e saj. Mënyra se si po bëhen këto zgjedhje është kontestuar nga disa figura të rëndësishme të PD-së. Ditën e sotme ka pasur disa akuza dhe kundër-akuza , dje në media doli lajmi se demokratët e Korçës dhe Vlorës kërkojnë anulimin e zgjedhjeve në PD., Lajm që u përgënjeshtrua sot nga Partia Demokratike dega Korçë.. Më pas deputeti i kësaj forcë politike , Igli Cara deklaroi se do të refuzoj ta njoh Lulzim Bashën kryetar të PD-së. Dhe pak më vonë në media publikohet lajmi se Astrit Patozi ka zbritur në bazë për të nisur një seri takimesh me qytetarët pikërisht tani kur pritet të votohet për kreun e demokratëve.
Në media është bërë e ditur se anëtarësia e PD-së në Korçë dhe në Vlorë, kanë dalë duke mbledhur firmat e qytetarëve dhe simpatizantëve, për anulimin e zgjedhjeve.
Mësohet se në Vlore janë mbledhur 140 firma, një ditë përpara mbërritjes së kryedemokratit Basha, ku do të flasë para demokrateve për platformën e tij lidhur me garën për zgjedhjen e kryetarit të Partisë Demokratike.
Të drejtën për thirrjen e këtij këshillit prej 275 anëtarësh veç kryetarit e kanë edhe ¼ e anëtarëve, ndaj për të thirrur këtë forum, kundërshtarëve të Bashës u duhen rreth 69 firma.
Partia Demokratike e Korçës ka reaguar sot në lidhje me një lajm të botuar dje, se disa anëtarë të saj kanë firmosur një peticion drejtuar degës qendrore për anulimin e votimeve për kryetar më 22 korrik.
PD e Korçës: Lajm totalisht i rremë! Strukturat e kësaj dege , nga seksioni deri në kryesi ,shprehen vetëm nëpërmjet vendimeve të mara me votë dhe jo telefon pas telefoni.
Po gjatë ditës së sotme deputeti i Partisë Demokratike, Igli Cara deklaon se do të refuzoj ta njoh Lulzim Bashën kryetar të Partisë Demokratike nëse farsa e zgjedhjeve brenda partisë do të përmbyllet në 22 korrik.
Cara: Nëse do të kishte një garë të ndershme, unë i pari do të thosha: T’i fitove unë do të jem ushtari i partisë tënde. Por unë refuzoj që këto t’i quaj zgjedhje. Sepse nëse kam refuzuar dhe nuk kam pranuar vjedhjen e Edi Ramës që e kam kundërshtar politik nuk mund të pranoj që të vidhen zgjedhjet në shtëpinë time siç po bën Lulzim Basha. Refuzoj ta quaj kryetar pas këtyre zgjedhjeve farsë.
Deputeti demokrat deklaroi se nuk dot marrë pjesë nëse zgjedhjet do të mbahen në 22 korrik dhe sipas tij të njëjtin vendim kanë edhe shumë ish-kolegë dhe anëtarë të kryesisë së PD.
Deputeti i PD-së, Astrit Patozi nis nga dita e nesërme zyrtarisht lëvizjen e re brenda PD-së, të cilën e paralajmëroi javën që shkoi.
Përmes një statusi në Facebook, Patozi thotë se nesër ka një takim me demokratër e Durrësit, në Pallatin e Kulturës.
Patozi: Nesër nisim në Durrës “bashkëbisedimin me demokratët”. Çfarë po ndodh në Partinë Demokratike dhe si mund të bashkohet e ringritur sa më shpejt ajo? Është ky shqetësimi i madh i anëtarëve dhe simpatizantëve të PD, që kërkon zgjidhje, ndaj edhe mirëpritet kontributi i gjithësecilit. Vetëm bashkë mund t’ia dalim.
