Makina e një punonjësi policie është djegur pas mesnate në lagjen “Pavarësia” në Vlorë. Mësohet se automjeti tip Benz është në pronësi të punonjësit Z.Z., punonjës policie në Komisariatin e Policisë Vlorë.
Sipas informacioneve paraprake, dyshohet se zjarrvënia ka qenë e qëllimshme pasi në pjesën e përparme të motorit është konstatuar lëndë djegëse.
Informacioni paraprak
Më datë 21.11.2017, rreth orës 03:10, Salla Operative Vlorë është njoftuar prej një telefonate se në lagjen “Pavarësia”, pranë palestrës se Mundjes, një mjet ka marrë flakë.
Shërbimet policore dhe ai zjarrfikës kanë shkuar menjëherë pranë vendit të ngjarjes ku kanë bërë të mundur shuarjen e flakëve të zjarrit, prej nga të cilat mjeti është dëmtuar pjesërisht në pjesën e përparme.
Nga verifikimi dhe hetimi ka rezultuar se mjeti tip “Benz”, është në pronësi të shtetasit Z.Z. (punonjës policie në Komisariatin e Policisë Vlorës).
Dyshohet që zjarrvënia të ketë qenë e qëllimshme pasi në pjesën e përparme tek motorri është konstatuar lëndë djegëse.
Grupi hetimor po vijon punën për zbardhjen e plotë të rrethanave të kësaj ngjarje.
