Eros Grezda ishte kthyer në një çështje te skuadra e Rangers dhe të gjithë tifozët i kërkonin llogari Gerrardit: “Kur ke ndërmend të aktivizosh Grezdën?”. Por kanë mjaftuar vetëm 22’ minuta lojë dhe e gjithë dëshira e madh u “thye”.
Futbollisti shqiptar humbi një gol të sigurt në sekondën e fundit të takimit, ndërsa Rangersi do e mbyllte pa gola ndeshjen ndaj Spartakut të Moskës. Kjo ka bërë që tifozët të ndryshojnë mendimin dhe qëndrimin e tyre ndaj Grezdës dhe këtë herë duke iu sulur shqiptarit me plot mllef.
I aktivizuar në minutën e 68, Grezda do të kishte menjëherë mundësinë për të dërguar topin në rrjetë, por nuk tregoi besim që në fillim për të ndjekur topin dhe për ta sulmuar atë, ndërsa portieri i rusëve arriti ta ndalë atë me shumë vështirësi.
Më pas do të ishte një penallti e reklamuar e Grezdës dhe gjithë pankina e Rangersit që do të kërkonte faullin ndaj arbitrit, por ky i fundit e pa rënien e shqiptarit si teatrale. Momenti, vendi dhe koha e gabuar, mjafton ai rast flagrant i shpërdoruar i Grezdës në gjuajtjen e fundit të takimit brenda zonës, ndërsa komentet e tifozëve skocezë kanë qenë “masakruese” në fundin e ndeshjes në “Twitter”, duke treguar hapur zhgënjimin nga shqiptari.
