Kryeprokurorja e Përgjithshme Arta Marku është parë mesditën e sotme teksa zhvillonte një takim pa lajmëruar në qytetin e Elbasanit.
Arta Marku është takuar me një grup të vogël prokurorësh në hotel “Skampa” ku mes tyre i pranishëm ka qenë dhe drejtuesi Ardjan Nezha.
Tema e diskutimit nuk bëhet e ditur, por burime për “BalkanWeb” kanë thënë se Marku ka qenë për një vizitë në familjen e një kolegu të saj, prokurorit Fatmir Lushi, i cili ka humbur një nga prindërit. Mësohet se kryeprokurorja dhe Lushi kanë punuar bashkë në Fier e Shkodër.
