Në shumë raste, stresi e vret njeriun më shpejt sesa radioaktiviteti. Prova e gjallë për këtë, është 90-vjeçari Ivan Shamjanok, që vazhdon të jetojë në fshatin e tij të lindjes në Bjellorusi, pavarësisht ndotjes së madhe radioaktive, si pasojë e katastrofës bërthamore që ndodhi në Çernobil më 26 prill 1986. Autoritetet sovjetike, zhvendosën më shumë se 100.000 njerëz nga zona.
Por Shamjnok, gruaja e tij, dhe disa të tjerë refuzuan. “Deri tani, mjekët më thonë që jam mirë. Motra ime vendosi të largohej me burrin e saj. Pas disa vitesh ndërruan jetë. Vdiqën nga ankthi dhe stresi. Unë vetë nuk kam strese”- tha ai.
Shamjanok thotë se jeta e tij, nuk ndryshoi shumë pas incidentit të Çernobilit. Ai dhe familja e tij vazhduan të hanë perime dhe fruta të kultivuara në oborrin e tyre, ndërsa mbanin lopë, derra dhe pula. Në zonë ka edhe dhjetëra raste të tjera. Kjo ka habitur studiuesit, që pas disa studimeve kanë arritur në përfundimin, se stresi vret shumë më shpejt, edhe sesa nga ekspozimi ndaj një sasie të madhe radioaktiviteti.
