Kryeministri Edi Rama ditën e sotme ka zhvilluar një interpelancë me minatorët pensionistë. Në ketë video-konferencë kryeministri ka qene i shoqëruar me dhe dy ministrat, Arben Ahmetaj dhe Damina Gjiknuri.
Një nga ankesat e minatorëve tashmë të dalë në pension ishte shuma qesharake e rimbursimin e ilaçeve, gjë të cilën e kanë jetike, rimbursimi i tyre shkon në 27-mijë lekë të vjetra.
Pensionisti I ka treguar kryeministrit rropatjet e kësaj shtresë në dyert e gjykatave, duke kërkuar rimbursimin e ilaçeve. Ky ka qenë momenti kur kryeministri i habitur pyet Arben Ahmetajn “Si është e mundur kjo?”.
Po ‘live’ është dëgjuar dhe zëri i ministrit i cili ka kthyer përgjigjen kryeministrit: “Gënjen ai”.
I gjendur mes dy pohimeve të kundërta, Ramës iu desh të merrte një vendim të shpejtë dhe kryeministri zgjodhi të besojë minatorin e moshuar, duke nxjerrë gënjeshtar ministrin e Financave, Arben Ahmetaj.
“Unë të besoj ty” i tha kryeministri pensionistit. “Ju nuk keni arsye të gënjeni por është e pamundur ligjërisht të ndodhë” tha Rama, duke ia lënë fajin gjykatës administrative që e quajti “një çerdhe korrupsioni”.
Kuptohet se kryeministri e ka humbur besimin tek ministrat, që në këto raste i përdor si figurantë.
