Update/ Pasi kreu i PD-së përfundoi fjalën e tij përpara Kryeministrisë, mbështetësit e opozitë kanë hedhur flakadanë. Por ajo çka ra në sy ishte reagimi i ish-kryeministrit Berisha, i cili për tu mbrojtur nga tymi i tyre vendosi kapelën që kishte marrë kundër diellit, si mënyrë nga tymi i flakadanëve. 
Video/Basha flet para protestuesve, Berisha bëhet për ujë në krah të Kryemadhit
E ndërsa kreu i PD-së po flet para protestueses në podiumin pranë tij shikohet të jetë ish-lideri i Partisë Demokratike Sali Berisha si dhe kryetarja e LSI-së Monika Kryemadhi.
Nga sa duket në këtë foto, ish-kryeministri është duke konsumuar ujë dhe në dorën tjetër mban një kapelë në dorë, pasi rrezet e forta të diellit duket se janë të lodhshme për ish-liderin e PD-së.
Video live/Kryemadhi jep mesazhin e parë, flet për gatishmërinë e…
Pas daljes nga selia e LSI duke u drejtuar për në bulevard ku do t’u bashkohet protestuesve të opozitës, Monika Kryemadhi është shprehu edhe një herë se “largim i Edi Ramës do të zgjidhë të gjitha problematikat”.
Në një prononcim të shkurtër para mediave Kryemadhi u shpreh: “Sot më shumë se kurrë të gjithë kërkojnë ikjen e Ramës dhe grupin e tij që kanë bllokuar hapjen e negociatave. Edhe kushtet e vështira, ne jemi të gatshëm t’i marrim përsipër, që t’u hapim shqiptarëve negociatave. Largimi i Edi Ramës largon çdo problematikë e do tu japë shpresë shqiptareve”.
Protestuesit po grumbullohen para kryeministrisë në bulevardin “Dëshmorët e Kombit”, teksa mjaft qytetarë kanë ardhur nga të gjitha rrethet e vendit.
Me banderola të ndryshme kundër qeverisë, dhe pas shpalosjes së simbolikave tek ministria e Brendshme dhe ish hotel Dajti,protestuesit u bashkuan aty ku sipas axhendës do të flasë vetëm kryetari i PD-së Lulzim Basha.
Ndërkaq, kreu i PD-së Lulzim Basha dhe Monika Kryemadhi, kryetarja e LSI-së janë parë të nisen në këmbë nga selitë e partive për t’iu bashkuar protestuesve.
Video live/Basha dhe Kryemadhi lënë zyrat, shikoni ç’po ndodh në protestë
Kreu i PD-së Lulzim Basha dhe kryetarja e LSI-së Monika Kryemadhi kanë lënë zyrat e tyre dhe u janë bashkuar protestueseve, të cilët po ecin në këmbë përgjatë Bulevardit “Dëshmorët e Kombit”.
Opozita do të protestojë për të kërkuar largimin e ministrit të Brendshëm, Fatmir Xhafaj.
Kreu i opozitës dhe aleatët e tij opozitarë u bënë thirrje shqiptarëve të bashkohen për të kërkuar largimin e ministrit të Brendshëm, 17 ditë pas denoncimit të parë që bënë nga selia blu për dosjen e vëllait të tij, të dënuar nga drejtësia italiane me 7 vjet e dy muaj heqje lirie.
