Deri më tani Partia Demokratike ka bojkotuar thuajse të gjitha komisionet parlamentare me strategjinë e mosbindjes civile, por me ndryshimet në klimën politike ka ndryshuar mendim. PD duke filluar që nesër do të jetë në të gjithë komisionet parlamentare për të denoncuar faktet sipas tyre të rënda.
Gjithashtu, mësohet se kryetari i PD-së në mbledhjen e grupit ka bërë një përmbledhje të denoncimeve të bëra deri më tani lidhur me emrin e Agron Xhafajt dhe mbrojtjes së tij, nga ministri i Brendshëm.
Sipas burimeve, Basha është shprehur që, do të bëhen publike fakte të tjera që rëndojnë akoma më shumë situatën e Agron Xhafajt.
“Faktet janë shumë të rënda, presim reagim” mësohet të jetë shprehur Basha.
Ndërkohë po sot, PD-ja ka publikuar fakte të reja për lidhet e vëllait të Xhafajt me trafikantët e drogë duke publikuar një material audio, ku Agron Xhafaj flet për biznesin e drogës.
https://tiranatoday.com/video-pergjimisi-ra-ne-kurth-vellai-xhafajt-po-na-sulmojne-jane-kapur-ata-ne-itali/
