Akuza, tone të larta dhe në fund një kërcënim, i tilli ka qenë debati me mbretit të paparacëve, Fabrizio Corona dhe bashkëshortes së Francesco Totti, Ilary Blasin në “reality shoë” më të ndjekur në Itali “Big Brother Vip”.
Incidenti ka ndodhur mbrëmjen e djeshme kur prezantuesja e emisionit që është pikërisht gruaja e ish-kapitenit të Romës, i ka fikur mikrofonit duke mos i dhënë të drejtën e përgjigjes, por ka qenë vetë Corona që e ka ngacmuar atë teksa i ka thënë: “Ai iu tradhtoi një muaj para martesës, dhe nuk e shkroi në autobiografi”, ndërsa Blasi që replikon i kthehet me ironi: “Ti tregon histori që i trazon me lugë sikur të jesh një kuzhinier”.
Megjithatë, tonet e larta vazhdojnë kur Blasi i thotë Corona-s: “A e mban mend atë që më keni bërë 13 vite më parë, ju luani me ndjenjat”. Corona si gazetar kishte shkruar se Totti e kishte tradhtuar bashkëshorten e tij, Blasi me modelen Flavia Venton të cilët Totti e ka mohuar kategorikisht.
Ndërsa Corona duke qëndruar i qetë i kthehet duke i thënë: “Ti e detyrove që të martohej me ty duke i thënë se ishte shtatzënë”. Më vonë mbreti i paparacëve në “Instagram” lëshon me anë të një video një deklaratë të fortë: “Bëhuni gati, tani unë do të lejoj ferrin që të tregojë të vërtetën time, unë do t’iu shkatërroj”.
