Ministri i Brendshëm, Fatmir Xhafaj ka dhënë dorëheqjen. Lajmin e ka bërë të ditur Kryeministri Edi Rama në një postim në Twitter.
“Pranova dorëheqjen e ministrit Xhafaj, të cilin e falenderoj për kontributin e çmuar. Gjeneral Sandër Lleshi do të sjellë një energji të re pozitive në krye të Punëve të Brendshme. Traseja është e shtruar. Tani duhet rritur shpejtësia dhe duhen arritur rezultate edhe më domethënëse”, shkruan Kryeministri.
Pranova dorëheqjen e ministrit Xhafaj, të cilin e falenderoj për kontributin e çmuar.Gjeneral Sandër Lleshi do të sjellë një energji të re pozitive në krye të Punëve të Brendshme.Traseja është e shtruar.Tani duhet rritur shpejtësia dhe duhen arritur rezultate edhe më domethënëse. pic.twitter.com/cfB7ADwzgy
— Edi Rama (@ediramaal) October 27, 2018
Fatmir Xhafaj e mori postin e Ministrit të Brendshëm më 13 Shtator të 2017-ës. Nuk dihet ende arsyeja e dorëheqjes së tij.
Ndërkohë ashtu siç njofton edhe vetë Kryeministri Rama, me largimin e Xhafajt, drejtimin e Ministrisë së Brendshme do ta marrë Sandër Lleshi. Që prej vitit 2010, Lleshi mban postin e zv.shefit të Shtabit të Përgjithshëm të Forcave të Armatosura të Shqipërisë. Ai ka qenë komandant i Kurseve në Akademinë e Mbrojtjes në Tiranë dhe më pas, për tre vjet të tjera, ishte komandant i Akademisë Ushtarake “Skënderbej”.
