“Jeni këmba më e mbarë që mund të gjendej në këtë vend për kompaninë tonë të flamurit”, kështu ka deklaruar kryeministri Edi Rama mëngjesin e sotëm, teksa ka pritur pasagjeret e parë të fluturimit të parë me “Air Albania”, drejt Stambollit.
Pasagjerët e zgjedhur janë studentët e ekselencës shqiptare, për të cilët tha se jo me kot janë përzgjedhur. Ata do të udhëtojnë drejt Stambollit me avionin që mban emrin e poetit të madh, Lasgush Poradecit.
“Jo me kot na shkoi mendja te ju, jeni këmba më e mbarë që mund të gjenim”- ka thënë Rama, teksa ka shoqëruar të rinjtë dhe të rejat deri në hyrje të avionit.
“Bëjmë dhe pak metra bashkë dhe ju vazhdoni lart, ne vazhdojmë të tërheqim këmbën zvarre këtu në tokë”- tha ai.
