E ndërsa është në prag të largimit nga vendi ynë, pasi i ka përfunduar mandati si ambasador i SHBA-ve në Shqipëri, Donald Lu ka dhënë një mesazh të fortë për demokracinë. Me anë të një shënimi në faqen zyrtare të ambasadës amerikane në “Facebook”, Lu shkruan se çfarë është demokracia.
“Sot është #DitaNdërkombëtareEDemokracisë. Çfarë do të thotë demokraci për ju? “Demokracia është diçka që na bashkon të gjithë ne, amerikanë dhe shqiptarë. Është e rrëmujshme. Është e komplikuar. Dhe shpesh është e mbushur me konflikte dhe polemika por, në fund, demokracia na garanton liritë që i konsiderojmë kaq të vyera”.
Ky mesash i ambasadori Lu, vjen pasi ai ka bërë shumë takime përshëndetëse me shumë përfaqësues të politikës shqiptare por jo vetëm. E ndërsa nga ana tjetër, ky koment vjen edhe në një moment delikat për politikën shqiptare, pasi mazhoranca dhe opozita për më shumë se dy muajsh kanë pasur përplasje të vazhdueshme, gjë që ka sjellë edhe bojkotin e Kuvendit nga ana e partive opozitare. Janë disa pika të nxehta për të cilat opozita dhe qeveria nuk po bien në ujdi, e një ndër to është edhe vettingu në radhë të politikave. Ky është propozim i ngritur nga ana e partive opozitare, pro që kundërshtohet fuqishëm nga mazhoranca./TIRANA TODAY/
