Një tjetër familje e lënë në mëshirë të fatit, aty ku varfëri është e ulur këmbëkryq. Fondacioni “Fundjavë Ndryshe”, bëri të ditur se do t’i blejë apartament familjes Murataj, nga fshati Bruzë Mal në Malësi të Krujës, pasi familja me 5 jetimë ishte në kushte shumë të vështira ekonomike.
Por, një tjetër fëmije ka nevojë për ndihmë. Bëhet fjalë për familje Çosolli, në fshatin e largët Çezmë e Vogël, Mokër. Kjo familje është në kushte shumë të vështira ekomomike, ku nuk kanë as drita e as ujë. Prej 10 vitesh familja Çosolli jeton në shtëpinë e falur nga banorët e zonës.
“Fundjavë Ndryshe”, ka udhëtuar dhe ka parë nga afër gjendjen e vështirë të familjes, dhe u bën thirrjet të gjithë shqiptarëve, por jo vetëm të kontribuojnë sadopak, për ta nxjerrë këtë familje nga skamja.
Me anë të një shënimi në rrjetin social “Facebook”, drejtori i Fonacionit “Fundjavë Ndryshe”, Arbër Hajdari shkruan:
“Udhëtova për në fshatin e largët Çezmë e Vogël, Mokër. Shkova të vizitoja familjen Çosolli , aty ku varfëria ishte ulur këmbëkryq midis shtëpisë.
Në shtëpinë e falur nga banorët e zonës, familja Çosolli jeton prej 10 vitesh. Pa drit, pa ujë, pa dyer e dritare, në atë banesë totalisht të kalbur ku çdo sekond rrezikon të shembet e ti zërë brenda.
Aty takova 3 fëmijët e mrekullueshëm , Anisën, Andin, Marisolin. I pyeta se çfarë ëndrrash kishin, e çfarë të më thonin, me lot në sy varfëria i ka vrarë ëndrrat e tyre. Ne do ti ndërtojmë familjes një banesë të re, të paktën të mos i rrezikohet jeta. Të bëhemi bashkë e ti japim një mundësi familjes një mundësi më të mirë.
Ju lutem shpërndajeni postimin!
Për të gjithë ato që duan të dhurojnë :
Link i dhurimit Paypal ose Credit Card : https://ffn.al/en/donate-2/
Link i dhurimit GOFUNDME : https://ëëë.gofundme.com/fundjavendrysheal
“Bamirësia nuk të varfëron”
#fundjavendryshe”
