Trekendëshi i Bermudës, një hapësirë midis Floridës, Porto Rikos dhe Bermudës, është një nga zonat oqeanike më të frikshme në botë. 100 vitet e fundit, mendohet se aty janë zhdukur dhjetëra anije dhe avionë. Shumë teori konspirative, kanë folur për dukuri paranormale, apo edhe për prani aliene në thellësi të kësaj zone. Por kohët e fundit, një grup studiuesit nga Universiteti i Sauthepmtonit në Angli, besojnë se dallgët deri në 100 metra, mund të jenë përgjegjëse për disa nga fatkeqësitë që kanë ndodhur në “Trekëndëshin e Djallit”.
Ata ndërtuan një model të “USS Cyclops”, një anije e madhe që u zhduk pa lënë gjurmë në vitin 1918, me 309 njerëzit në bord. Ekspertët mendojnë se Trekëndëshi i Bermudës, është vendi ku mund të bëhen bashkë 3 stuhi të mëdha nga drejtime të ndryshme, gjë që mund të formojë befas, dallgë të mëdha vdekjeprurëse. Por, kjo teori nuk u jep përgjigje shumë pyetjeve. Mirë anijet, po dhjetëra avionë si janë rrëzuar? Për me tepër, në vitin 2015 në brigjet e Kubës u rishfaq befas anija e mallrave “Cotopaxi”, e konsideruar e zhdukur që prej nëntorit 1925. Është interesant fakti që anija ishte tërësisht bosh, ndonëse ishte e ngarkuar me 2340 ton qymyr, dhe pa asnjë mbetje njerëzore, nga 32 personat e ekuipazhit.
