Një ditë e lodhshme por fantastike, ka qenë dje për drejtuesin e Fondacionit “Fundjavë Ndryshe”, Arbër Hajdari. Ai ka ndarë më të gjithë, lajmin e mirë se familjes Murataj, nga fshati Bruzëmal, Krujë, i është blerë shtëpi e re në Tiranë.
“Sot ishte një ditë shumë e lodhshme por fantastike. E nisëm ditën duke i dhuruar banesën e re në Tiranë familjes me 5 fëmijë jetimë që jetonin mes malesh në kushte ekstreme. TA GËZONI ♥️.
Më pas u nisëm drejt Tamarës, Vukël, Selcës duke shpërndarë ndihma për të pamundurit.“Bamirësia nuk të varfëron”, shkruan Hajdari në “Facebook”.
Familja prej 8 anëtarësh, 5 fëmijë, nëna, gjyshi dhe gjysha, janë sjellë në Tiranë. Kryefamiljari i familjes Murataj ka ndërruar jetë nga një sëmundje e rëndë. Në kushte të vështira ekonomike dhe në mes te maleve, kjo familje ishte e lënë në mëshirë të fatit. Shtëpia e familje po shembej dhe anëtarët e saj rrezikonin jetën.
Vetëm pak ditë më parë, “Fundjavë Ndryshe” dhe Emina Cunmulaj, kanë udhëtuar në këmbë për të parë nga afër kushtet e kësaj familje. Atje nuk kishte rrugë për automjetet për të arritur deri në fshatin e largët.
https://tiranatoday.com/videomes-maleve-ne-varferi-fundjave-ndryshe-shpeton-nga-rreziku-familjen-me-5-jetime/
Por, dje familja është sjellë në Tiranë dhe është bërë me banesë të re. Fëmijët e familjes kenë mundësi të shkollohen dhe e gjithë familja të ketë një të ardhme më të mirë./TIRANA TODAY/
