Update/Detaje të reja janë bërë publike në lidhje me zjarrin që ka rënë në një fabrikë të riciklimit të mbetjeve.
Mësohet se zjarri ka përmasa të mëdha dhe afër është një karburant, por që nuk rrezikohet nga flakët.
Për shuarjen e flakëve kanë shkuar të gjithë forcat zjarrfikëseve të Tiranës, por dhe dy zjarrfikëse të Vorës.
Sipas News 24, mësohet se kjo fabrikë është djegur edhe dy herë të tjera dhe zjarrfikëset i kanë vënë gjobë për shkak të mos marrjes së masave për parandalimin e zjarrit.
Video/Zjarr i madh në një fabrikë riciklimi mbetjesh
Një zjarr i madh ka përfshirë një fabrikë riciklimi mbetjesh në Mëzes të Tiranës. Fabrika është e përfshirë e gjitha nga zjarri. Në vendngjarje po punojnë për shuarjen e flakëve zjarrfikëse të Tiranës, Vorës, ndërsa mësohet se është kërkuar ndihmë edhe nga zjarrfikëset e Durrësit.
Shuarja e flakëve duket e vështirë për shkak të materialeve që ndodheshin në fabrikë.
Me anë të një deklarate, policia njofton se fatmirësisht si pasojë e zjarrit të madh nuk ka asnjë person të lënduar, vetëm dëme të konsiderueshme materiale.
Shkaqet e rënies së zjarrit janë ende të paqarta.
Njoftimi
Tiranë
Me datë 22.04.2018, rreth orës 10:00, në Kashar, në një magazinë ka rënë zjarr.
Menjëher në vendngjarje kanë shkuar shërbimet e Policisë dhe Zjarrëfikësja ku po punohet për fikjen e zjarrit.
Si pasojë e zjarrit ka vetëm dëme materiale.
Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit.
