Shtetet e ish-Jugosllavisë vazhdojnë të trokasin në dyert e Bashkimit Evropian. Sllovenia u pranua në vitin 2004, Kroacia në vitin 2013. Anëtarët e ardhshëm mund të jenë, Mali i Zi dhe Serbia që mund t’i bashkohen bllokut në vitin 2025.
Negociatat po vazhdojnë me këto dy shtete. Presidenti i zgjedhur i Malit të Zi, Milo Gjukanoviç konsideron se fitorja e tij është ajo e “ardhmërisë evropiane” të vendit të tij. Por, për të përmbushur kriteret e pranimit të vendosur nga udhëheqësit evropianë, ai do të duhet të luftojë më korrupsionin dhe të rivendosë liritë themelore.
Njeriu i fortë i Malit të Zi, shteti i vogël prej 620,000 banorësh që u ndanë nga Serbia në vitin 2006 për t’u bërë i pavarur, më 15 prill u bë President Republikës. Milo Gjukanoviç, 56 vjeç, ka dominuar jetën politike të Malit të Zi për më shumë se një çerek shekulli, me ose pa mandat zyrtar dhe mbijeton të gjitha ngritjet e historisë së tij të kohëve të fundit. Njeriu që dikur ishte një nga shokët e Sllobodan Millosheviçit përpara se të distancohej nga lideri serb, është kreu i Partisë Socialiste Demokratike, një parti e ish Lidhjes së Komunistëve. Ai fitoi rreth 54% të votave në raundin e parë të zgjedhjeve presidenciale.
I konsideruar në vendin e tij si babai i pavarësisë, Milo Gjukanoviç dëshiron të jetë ai që do ta sjellë Malin e Zi në Bashkimin Evropian. Tashmë vendi u bashkua me NATO-n në vitin 2017, dhe Presidenti i ri malazez bëri zgjedhjen e Evropës kundër Moskës. Fitorja e tij, tha ai, është ajo e “së ardhmes evropiane të Malit të Zi”. Negociatat janë nisur nga Bashkimi Evropian me Malin e Zi, siç kanë qenë me Serbinë. Vendi mori statusin zyrtar të kandidatit në vitin 2010 dhe bisedimet filluan në vitin 2012. Nga 33 kapituj, 30 janë hapur por vetëm 3 janë mbyllur, më e lehtë (shkenca dhe kërkimi, arsimi dhe kultura, marrëdhëniet e jashtme).
Dy kushtet kryesore, të cilat që nga viti 1993 i kanë përcaktuar kriteret e Kopenhagës respektivisht respektit për sundimin e ligjit dhe funksionimin e ekonomisë së tregut, do të jetë shumë më e vështirë për tu përmbushur. Presidenti i Komisionit Evropian, Jean-Claude Juncker, ka vlerësuar se Mali i Zi mund të bashkohet me Bashkimin në vitin 2025 në të njëjtën kohë me Serbinë. Por këto data janë “indikative”, kujton ai, dhe askush nuk beson që ato mund të mbahen. Për vendet e tjera të Ballkanit Perëndimor, afati përfundimtar është më vonë. Aderimi i Shqipërisë dhe Maqedonisë do të presë deri në vitin 2035. Ndërsa afati kohorë për Bosnjë-Hercegovinën dhe Kosovën është edhe më larg.TIRANA TODAY
