Një incident i ndodhur në Ruandë i ka detyruar autoritetet vendase të miratojnë ligje për të mposhtur kulturën e magjisë së zezë në futboll. Në minute e 39-të të ndeshjes së Ligës Kombëtare Ruandeze mes Rayon Sports dhe Mukura Victor Sports, sulmuesi Moussa Camara mori një krosim nga e majta dhe pasi goditi me kokë, topi arriti të godasë vetëm traversën. Shumë afër, për pak në rrjetë. Ngjarja ndodhi më 16 dhjetor 2016.
Me shumë mundësi duke besuar se humbja e atij rasti ishte si pasojë e diçkaje përtej të natyrshmes, Camara vendosi të bëjë diçka jo të zakontë; në minute e 45-të, duke u ndjerë i acaruar nga pamundësia e shokëve të tij të ekipit për të barazuar shifrat, ai vrapoi drejt vijës fatale të portës së Mukura Victory dhe u pa tek kapte diçka që besohet se është një “juju” (Magji e zezë) që pengonte përpjekje e Rayon Sports për të gjetur rrugën e rrjetës.
Me të bërë këtë veprim, sulmuesi u ndoq nga portieri dhe lojtarët e Mukura Victory të cilët dyshuan për një faull pasi e panë duke iu afruar fshehurazi zonës portës. Camara arriti t’i shpëtonte ndjekjes së tërbuar të futbollistëve të Mukurës dhe iu drejtua vijës anësore për t’i dorëzuar pankinës së ekipit të vet atë që kishte marrë nga vija fatale. Incidenti i çuditshëm normalisht që shkaktoi konfuzion.
Për t’iu rikthyer ngjarjes, çfarëdo që të ishte, veprimi i Camarës duket sikur funksionoi për të dhe shokët e tij të ekipit. Shtatë minuta më vonë, pas një krosimi, Camara kërceu së larti në zonën e rreptësisë pas një rasti çuditërisht të ngjashëm me atë të minutës së 39-të ku topi goditi traversën, pore këtë radhë topi fluturoi në rrjetë duke sjellë barazimin e shifrave në 1-1.
Ky ishte edhe rezultati i këtij takimi, një barazim kyç për Rayon Sports që arriti të mbajë kryesimin e Ligës Kombëtare të Futbollit Ruandez. Që nga ky rast, autoritetet vendosën që çdo lojtar që shihet të përdorë magjinë “juju” do të gjobitet me një gjobë prej 100,000 franga ruandeze (ekuivalente me 99£ ose 122 $). Po ashtu, çdo klub që do të gjendet i përfshirë në praktikën e “juju-së” do të gjobitet 2.9 milionë RWF (rreth 2.900£ ose 3.550 $), si dhe një zbritjeje prej tre pikësh.
Vedaste Kayiranga, nënkryetari i FERWAFA, në shpjegimin e vendimit, tha:
“Në statute nuk kemi asnjë ligj që dënon përdorimin e magjisë, sepse nuk ka asnjë vend në botë ku të jetë provuar se diçka e tillë mund të ndikojë në rezultatin e një ndeshjeje. Megjithatë, me konstatimin e dhunës ndërmjet lojtarëve për shkak të akuzave që ekipi kundërshtar po e përdor, kemi vendosur të miratojmë ligje “. Ndërkohë, Jimmy Mulisa, një ish- futbollist ndërkombëtar ruandez iu bashkua nismës duke thënë: “Është e trishtë që ne kemi ende besime të tilla në futbollin tonë”, tha Musila. “Kjo jo vetëm që i jep një imazh të keq vendit, por vret edhe zhvillimin e futbollit”.
