Deputeti socialist Pjerin Ndreu, është ndaluar nga policia serbe, pasi dy persona që kanë qenë me të, gjatë një vizite në Beograd, kanë bërë foto duke kryqëzuar duart në formë shqiponje.
Kaq ka mjaftuar që qytetarët të thirrësin policinë, që i kërkonte “llogari” Pjerin Ndreut.
Qytetari serb:Këta dy persona po shkojnë drejt kishës, po i kryqëzojnë duart duke bërë shqiponjën… Ky është një provokim, jo ti, por njerëzit e tu.”
Pjerin Ndreu: Mos u mërzit për këtë, vetëm një foto po bëjnë. Nuk ka asgjë për tu shqetësuar.
Qytetari serb: Ky është provokim.
Pjerin Ndreu: Ku shkoni i bëni këto mor burrë? No mor burrë no! Si e bëni atë para parlamentit! Më fal, nuk e dija!
Videoja ka riqarkulluar në rrjet, pasi ngjarja ka ndodhur rreth dy muaj më parë.
Ndërkohë, vetë deputeti ka reaguar me anë të një postimi në rrjetin social “Facebook”, ku shkruan se dy miq të tij kishin dalë nga makina duke kryqëzuar duart e duke bërë simbolin e shqiponjës para parlamentit të Serbisë.
Postimi i plotë i Ndreut:
NJË SQARIM PËR KAZANIN MEDIATIK
Dua të sqaroj publikun në lidhje me një lajm të dhënë sot nga kazani mediatik, që sipas tyre qenkam ndaluar në Serbi nga policia.
Të nderuar qytetar ju siguroj që është një lajm i rremë dhe i tjetërsuar nga pseudoportalet tona të famshme.
E VERTETA ËSHTË KJO:
Dy miqte te mi kane dale ga makina per të bërë foto para parlamentit të Serbisë dhe kanë bashkuar duart duke berë simbolin e shqiponjes. .
Unë personalisht kam qëndruar në makinë dhe nuk kam zbritur fare. Kam parë më pas duke levizur ca gazetarë dhe stafin e sigurisë së parlamentit. Madje, ata më treguan edhe se çfarë ndodhi. Jemi sqaruar aty në moment, pa asnjë incident dhe kemi vazhduar rrugën tonë. Nuk është ndaluar askush, aq me pak une !
Më vjen keq ta them por është e turpshme të shkruhet se deputeti Pjerin Ndreu është ndaluar apo ka bërë shqiponjen tek parlamenti i Serbisë pë të provokuar. Nuk e kuptoj sa të pacipë janë gazetarët tanë që e deformojnë në këtë formë ngjarjen. #respektperteverteten
