Publikimi i videos së familjarëve të vajzës nga Kavajë, e përdhunuar nga 8 djem, ka shkaktuar bujë në opinionin publik, ku është hapur një debat i madh nëse duhej të të publikoheshin me zë e figurë prindërit e 16-vjeçares.
Ndërkohë, Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, në një reagim lidhur me këtë çështje, thekson se do të bëhet një vlerësim sipas ligjit dhe dispozitave përkatëse.
“Në rast se do të konstatohen elementë të shkeljes së tij, do të ndiqen procedurat ligjore të hetimit administrativ, në përfundim të të cilave do të dilet me aktin përkatës”– thuhet ne reagim.
