Një urë mbikalimi, për këmbësorë u shemb papritur pak ditë më parë në Majami, duke lënë 6 të vdekur. Akoma nuk janë zbardhur detajet e shembjes së urës, por një nga inxhinierët që ka punuar për ndërtimin e urës, ka folur për mediat duke thënë se e kishte kuptuar një gjë të tillë.
“Daily Mail” raporton se vetëm dy ditë para se të shembej mbikalimi, inxhinieri që kishte punuar për të ndërtuar këtë urë kishte lajmëruar dhe kishte ngritur zërin për rrezikun që i kanosej qytetarëve prej saj.
Ai ka thënë se kishte parë disa shenja që dukeshin si të çara në fundin e njërës pjesë të urës, por askush nuk ia ka vënë veshin, thanë autoritetet përgjegjëse për komunikacionin në Florida.
Sipas zyrtarëve, betoni i urës ka qenë i rëndë më shumë se 950 ton. Në këtë fatkeqësi humbën jetën të paktën 6 persona, por ekipet e shpëtimit thonë se numri i viktimave është më i madh. TIRANA TODAY
