Hoze Salvador Alvarenga, është njeriu që ka mbijetuar më gjatë në det të hapur. Peshkatari nga Salvadori u gjet më 30 janar 2014 pranë Ishujve Marshall, pasi kaloi mbi 13 muaj, ose 438 ditë në mëshirë të fatit, në një anije të vogël peshkimi në Oqeanin Paqësor. Ai ishte nisur për peshkim më 17 nëntor 2012, së bashku me me 23-vjeçarin e papërvojë Ezekiel Kordoba.
Anija e tyre doli jashtë funksionit si pasojë e një stuhie që zgjati 5 ditë. Pjesa më e madhe e furnizimeve ushqimore humbi në det, ndërsa ata mbijetuan duke konsumuar peshk të gjallë, breshka, zogj të vegjël, peshkaqenë dhe ujin e shiuy. Sipas Alvarengas, pas 4 muajsh në oqean Kordoba humbi çdo shpresë për mbijetesë, dhe pasi u sëmur nga ushqimi i papërpunuar, vdiq duke refuzuar të hajë.
Katër ditë më vonë, edhe ai vetë mendoi të vetëvritej, por e pengoi besimi i tij fetar. Ai e mbajti kufomën e Kordobës në barkë për 6 ditë, para se ta hidhte në oqean. Në vitin 2015, Alvarenga dha një seri intervistash për gazetarin Xhonathan Frenklin rreth përvojës së tij të hidhur, i cili i botoi në një libër. Por pas publikimit të tij, familja e Kordobës e paditi Alvarengën duke kërkuar 1 milionë $, me pretendimin se ai mbijetoi duke ngrënë të afërmin e tyre, akuzë që u hodh poshtë nga avokati i Alvarengës.
