Gjithnjë e më shumë mjekë dhe infermierë po lënë Shqipërinë për Gjermaninë. E ndërsa vala e largimit të tyre nga vendi ynë ende nuk është ndalur, spitalet në Gjermani bëjnë thirrje të herë pas hershme për mungesë të stafit mjekësor.
Së fundmi spitali Charite në Berlin, ka mungesë të madhe kujdestarësh ndaj të sëmurëve. Për të mbushur boshllëqet e mëdha, spitali ka punësuar specialiste nga Shqipëria. Më pas do ketë infermierë të punësuar edhe nga Meksika.
Deutsche Welle ka publikuar një video, ku flitet për rastin e një shqiptari, një djali 24 vjeçar me emër Kristijan Gazulli, i cili thotë se atje çdo gjë monitorohet dhe se organizimi i punëve bëhet në një mënyrë më të mirë se në vendin e tij. Kritijani, pasi përfundoi trajnimin në Shqipëri, aty ku ndoshta nuk do gjente mundësi punësimi, shkoi për të punuar në shtetin gjerman pasi edhe pagesa është tërheqëse. Ai thotë se kushtet në Shqipëri janë të vështira, ndërsa punën në Gjermani, sigurisht me kontratë e sheh si një mundësi të madhe. Ai e flet shumë mirë gjuhën dhe është i përgatitur.
“Sistemet e vendeve janë të ndryshme, këtu në Gjermani dokumentet janë shumë të rëndësishme. Këtu është një shans shumë i madh për mua”, tregon ai. Për më shumë shikoni videon e plotë më poshtë.
