Autoritetet italiane kanë goditur një bandë të trafikut të drogës. Lënda narkotike merrej nga Spanja dhe dërgohej në Itali nëpërmjet kamionëve, e cila fshihej nëpër materiale të tjera.
Mediat italiane shkruajnë se operacioni i fundit konfirmon përparimin e klaneve kriminale shqiptare në trafikun e drogës.
Kamioni ishte nisur nga Barcelona dhe mbante 206 kilogramë marihuanë e fshehur në materiale që do të përdoreshin për ndërtim. Shoferi është një italian, i identifikuar si Enzo Di Mauro, 48 vjeç dhe sipas hetuesve ka lidhje te ngushta me klanin mafioz ‘Ndrangheta’. Ndrageta, dyshohet se është edhe koka e lëvizjes së drogës nga Spanja fale aleancës se ngushtë me shqiptaret.
Ngarkesën e priste 50 vjeçari shqiptar nga Durrësi, Eduart Mecani, i cili priti ardhjen e kamionit për të bërë shkarkimin e drogës.
Policia ra në gjurmë pas lëvizjeve të tyre të dyshimta dhe rrugëve të shpeshta që bëheshin me kamionë. Në to gjatë kontrollit i gjetën edhe 66 mijë euro cash.
Policia thotë se organizata kriminale natyrisht nuk mund të mbështetet në dy individë të veçantë. Ekziston një rrjet në Spanjë i përbërë nga ndërmjetësues dhe furnizues direkt të drogës të importuar më parë nga Afrika e Veriut; ka një vend ku shqiptarët do të duhet të presin ngarkesën; dhe ka njerëz që duhet ta kenë marrë atë ngarkesë, ta ndajnë atë dhe ta shesin atë. Destinacioni përfundimtar ishte Milano. TIRANA TODAY
