Zyrtarët e lartë të SHBA, duke përfshirë vajzën e presidentit Donald Trump dhe bashkëshortin e saj, po marrin pjesë në evenitin e hapjes së ambasadës së SHBA-së në Jerusalem.
Pak muaj më parë 128 vendeve, dolën kundër njohjes së Jerusalemit si kryeqytet i Izraelit, por sot SHBA zhvendosi ambasadën amerikane në Jerusalem.
Mediat e huaja raportojnë sot se tridhjetë e tre ambasadorë dhe diplomate konfirmuan pjesëmarrjen e tyre në ceremoninë për zhvendosjen e ambasadës së SHBA nga Tel Avivi në Jerusalem.
Ministria e Jashtme kishte ftuar 86 zyrtarë të lartë, mes tyre kryeministri Benjamin Netanjahu dhe një delegacion i zyrtarëve të lartë të SHBA.
Ndërsa nga ana tjetër skena dhune, viktima e mbi 500 të plagosur janë shënuar në Rripin e Gazës, teksa mijëra palestinezë kanë dalë të protestojnë kundër hapjes së ambasadës së SHBA në Jeruzalem.
Me dhjetëra raportohet se janë palestinezë të cilët kanë humbur jetën gjatë protestës së dhunshme paraditen e sotme në Izrael.
Nga sa raportohet mes më tepër se 500 të plagosurit, dhjetëra prej tyre kanë plagë plumbash, të qëlluar nga forcat izraelite, të cilët sipas autoriteteve janë detyruar të përdorin armët e zjarrit për vetëmbrojtje pasi protestuesit kanë kaluar gardhin e sigurisë.
SHBA hapi sot ambasadën e re të saj në Jeruzalem, një lëvizje kjo tejet e pëlqyer nga Izraeli, por e dënuar nga palestinezët që janë mbledhur në protesta masive.
Ndërsa pjesa më e madhe e diplomatëve evropianë, nuk do të jenë të pranishëm. Vendimi i Trump për ta zhvendosur ambasadën nga Tel Avivi ka zemëruar palestinezët që pretendojnë Jerusalemin Lindor si kryeqytet të shtetit të ardhshëm palestinez.
Izraeli, mori kontrollin e Jerusalemit Lindor në luftën e Lindjes së Mesme në 1967 dhe e konsideron atë si kryeqyteti i përjetshëm, i pandashëm. TIRANA TODAY
