Futbollistët e kombëtares kanë pasur një ditë të mirë me ekipet e tyre. Gardiani i portës kuqezi, Etrit Berisha pas shumë javësh është rikthyer në formacionin titullar të Atalantës nga trajneri Gasperini. Ai e ruajti portën e paprekur ndaj Parmës, ku Atalanta mori një fitore bindëse 3-0.
Ndërkohë në Zvicër ka qenë një ndeshje pozitive edhe kjo javë për Taulant Seferin, mesfushorin e kombëtares Shpresa. 21-vjeçari ishte autori i golit të barazimit 1-1 të Winterthur në fushën e Schaffhausen, ndërsa ndeshja u mbyll në barazim 2-2.
Në ligën e parë të Zvicrës, Sion po barazon 2-2 në fushën e Young Boys, që janë edhe kryesuesit e kampionatit. Me Sion aktivizohet Ermir Lenjani, i cili shënoi golin e parë të ndeshjes.
Këmbëmajti mori një pasim të saktë në zonë dhe u tregua i pagabueshëm përballë portierit kundërshtar. Edhe në golin e dytë është protagonist 100% Lenjani, i cili nis një aksion i vetëm, godet drejt portës por topi devijohet dhe përfundon në rrjetë.
