Në prag të kryendeshjes së javës së 21 e cila zhvillohet në Korçë, mes Skënderbeut dhe Partizanit ka tension mes tifozëve. Para fillimit të ndeshjes ka pasur një përplasje të tifozëve jashtë ambienteve të stadiumit, ku “të kuqtë” raportohet se kanë qëlluar me gurë në drejtim të “Ujqërve të dëborës”.
Diferenca mes dy ekipeve është 18 pikë, ku Skënderbeu kryeson kampionatin, ndërsa Partizani vjen pas shumë problemesh këtë sezon, ku ka ndërruar trajnerë e ka larguar lojtarë. Por kur përballen këto dy ekipe nuk ka rëndësi forma, pasi dhurojnë gjithmonë spektakël deri në fund.
