Një eurodeputet italian zgjodhi një mënyrë të veçantë për të turpëruar publikisht një të ri shqiptar, të plagosur në një tentativë grabitjeje.
Angelo Ciocca nga radhët e nacionalistëve të Lega Nordit shkoi në spitalin e Pavias për të vizituar 26-vjeçarin shqiptar Stef Tuci dhe i dorëzoi një faturë të zmadhuar me shpenzimet për kurimin e tij që paguhen nga shteti italian. Videon e transmetoi LIVE në Facebook.
“Italianët të kanë shpëtuar jetën duke të paguar 6500 Euro dhe të kërkoj që t’u kërkosh ndjesë për atë gjest që ke bërë”.
Stef Tuci u plagos mbrëmjen e 27 marsit nga pronari i një banese në qytezën e Kastexhos, ku shkoi për të grabitur me maskë me një bashkëpuntor të tij. Por pronari i banesës, 56-vjeçari italian Antonio Bonfiljo i qëlloi me pushkë. Si të mos mjaftonte kjo, ai po përballet me akuzën e përdorimit të tepruar të armës për vetëmbrojtje.
