Dalin pamjet e grabitjes së ndodhur sot në dy pika karburanti në qytetin e Sarandës.
Siç edhe u raportua paraditen e sotme, ngjarjet kanë ndodhur rreth orës 06:00 dhe 06:50, ku sipas policisë dy persona të maskuar kanë shkuar pranë dy pikave të karburantit në lagjen Numër 1 të qytetit dhe nën kërcënimin e armëve kanë grabitur xhiron ditore.
Në pamjet e publikuara nga Saranda Web, dy grabitësit shfaqen teksa kërcënojnë me armë punonjësin e pikës së karburantit.
